बस दुर्घट्नामा मर्नेको सँख्या १५

 सिन्धुपाल्चोकमा बुधबार भएको बस दुर्घट्नामा मर्नेको सँख्या १५ पुगेको छ । सिन्धुपाल्चोकको भोताङबाट काठमाडौंका लागि जाँदै बा २ ख ३६ ४५ नम्बरको बस थाङपालधाप गाविस २ को फ्याफुल्ला डाँडाको सल्लेरी भिरबाट खस्दा अन्य ४४ जना घाइते भएका नेपाली सेनाले जनाएको छ ।

ज्यान गुमाउनेमा थाङपालकोट ५ का मिथु सापकोटा, थाङपालकोट ३ का सबिना पण्डित, थाङपालकोट ६ का धने भनिने मिङ्मा तामाङ र रणबहादुर पण्डित, घोताङका शेरबहादुर तामाङ, घोताङ २ का सिङ तामाङ र सेलेन लामा, बरुवाका मेन्दू तामाङ र गुन्सा ८ का छोटे तामाङ रहेका छन् ।

अरुको भने सनाखत हुन सकेको छैन । घाईते सबैलाई नेपाली सेनाको हेलिकप्टरबाट काठमाडौं ल्याइएको छ । दुर्घटनाको कारण खुल्न नसकेको जिल्ला प्रहरी कार्यालय चौताराका प्रहरी निरिक्षक नवराज खड्काले जानकारी दिए ।